Durrës-Kukës, shtyhet hetimi edhe një muaj

Prokuroria e Përgjithshme
tha dje se ka shtyrë
hetimin e dosjes
Durrës-Kukës edhe një
muaj. Shtyrja e afatit është
bërë me qellim që të verifikohet
me gjakftohtësi
raporti i ekspertëve kontabël
të vlerës reale të
rrugës, e cila rezultoi të
ndërtohej me shumën prej
1 miliard e 23 milionë euro.
Shuma marramendëse
është dhënë me disa vendime
të Këshillit të Ministrave,
pavarësisht se për
ndërtimin e segmentit nuk
kishte asnjë projekt apo
studime që mund të justifikonin
paratë e derdhura
nga taksapaguesit shqiptarë.
Tashmë në tryezën
e punës së hetuesve do të
jenë të gjitha diskutimet në
mbledhjen e qeverisë.