Durres mberrijne marinsat amerikane

Afro 700 marinsa amerikanë mbërriten  në brigjet e Adriatikut, në Durres,  me anijen ushtarake të Shteteve të Bashkuara të Amerikës "Uss Gunston Hall" (LSD-44) e cila do të qëndrojë deri në 27 prill 2012. Sipas qeverisë shqiptare qëllimi i qëndrimit të përkohshëm të kësaj force ushtarake amerikane është për vizitë portuale. Anija ushtarake  është mjet i specializuar detar për zbarkime  në breg të forcave luftarake.

Mbërritja në Durrës e këtij kontigjenti ushtarësh amerikan sipas ministrit të Mbrojtjes, Arben Imami,  ka të bëjë me një vizitë rutinë portaule katër ditore.

Imami sqaron se këto janë vizita njohje dhe treguese të një lidhje të fortë të aleancës dhe të gjithë vendeve që aderojnë në të.

Gjatë hyrjes, qëndrimit dhe daljes nga territori i Republikës së Shqipërisë trupat amerikane shoqërohen nga njësi të armatosura të Forcave të Armatosura të Republikës së Shqipërisë.

Vitet e fundit, veçanërisht pas antarësimit të vendit tonë në NATO, vizitat dhe stërvitjet e përbashkëta ushtarake me partnerë të ndryshëm të aleancës janë bërë gjithnjë e më të shpeshta.

Anija e mbërritur ka një  gjatësi prej prej 186 metra, lartësi prej 28 metra dhe zhytje prej pesë metra. Në hangarin e saj ajo mund të mbajë  deri në katër anije amfibe zbarkimi, secila me kapacitet transportues deri në 75 ton.