Durrës, një person plagoset më armë zjarri

DURRES-Një shtetas është plagosur me armë zjarri sot në qytetin e Durrësit, ndërsa policia po heton rrethanat e ngjarjes.

Mësohet se shtetasi Paulin Lleshi është qëlluar në këmbë me armë zjarri nga persona ende të panjohur. Ngjarja ka ndodhur sot në mbrëmje pranë zonës së ish-Kënetës.
I plagosuri është dërguar me urgjencë në spital, ndërsa policia në vendgjarje po mbledh provat e krimit me qëllim zbardhjen e plotë të ngjarjes.

(d.b/BalkanWeb)