Durrësi i jep 5 socialistë parlamentit
DURRES - Durrësi blu korr një fitore si ajo e Pirros, ku humbjet janë të mëdha. Demokratët i kanë lëshuar socialistëve plot 5 deputetë, por duke arritur të fitojnë për veten e tyre shtatë të tilla. Përfituesi i fundit i deputetëve blu është kryedemokrati i qytetit Igli Cara, ndërsa nga selia rozë kardiologia Klodiana Spahiu merr “trenin” e fundit që të çon në parlament. Por fituesi i madh i këtyre zgjedhjeve është edhe ish-kryebashkiaku Lefter Koka. Njeriu i cili kandidoi nën siglën e LSI-së arriti të dalë deputet me vota të bollshme, por sidoqoftë të pamjaftueshme për të tërhequr pas vetes edhe numrin dy të listës së LSI-së Artur Zhejin. Demokratët gjithsesi e festuan këtë fitore si “ajo e Pirros”, duke kujtuar me nostalgji të madhe zgjedhjet e vitit 2005, ku në rang Qarku i morën të majtës të 10-të deputetët e mundshëm”. Por formula e aplikuar nuk e lejonte kurrsesi një fitore kaq të thellë si ajo e tre korrikut të katër viteve më parë. Pas 40 orëve maratonë zgjedhore, në Qark demokratët kanë fituar bindshëm si bashki, si komuna dhe si fshatra. Lodhja e komisionerëve dhe kërkesat e të dyja palëve për shplodhje e kanë vonuar disi rezultatin, por gjithsesi ai është siguruar në mënyrë matematike rreth orës 21:30 minuta. Përjashtim nga “trendi” bën Kruja, qytet në të cilën e majta ka rezultuar “kockë e fortë”. Në KZAZ-në e pallatit të sportit “Ramazan Njala”, ku numëroheshin votat e bashkisë së Durrësit Aleanca e ndryshimit e kryesuar nga PD ka arritur të marrë 2895 vota më shumë sesa Bashkimi për Ndryshim i udhëhequr nga Edi Rama. Fitorja e PD ka qenë e fortë edhe në përballjen direkte me socialistët, pasi në fund të numërimit të 62 000 votave demokratët kishin 1 151 vota më shumë sesa rivalët e tyre të drejtpërdrejtë.
qarku durres
Aleanca e Ndryshimit
PD 60401 vota
PR 2812 vota
PAA 465 vota
PDI 1965 vota PAD 321 vota
BLD 290 vota
PLL 668 vota
AMIE 25 vota
PADS 93 vota
PBK 371 vota
Bashkimi per Ndryshim
PS 49252 vota
PSD 1117 vota
PDS 601 vota
PBDNJ 305 vota G99 763 vota
Aleanca Soc. për Integrim
LSI 9655 vota
PSV 579 vota
Numri i zgjedhësve që kanë votuar 139.189