Fier, socialistët marrin deputetin e 9
FIER/ MAJLINDA RAMA
Partia Socialiste, ashtu siç ishte paralajmëruar nga rezultatet e para, ka mundur të marrë mandatin e fundit në Fier. Partia Socialiste rezultonte me 49 për qind të votave, më pas demokratët me 31 për qind, LSI me mbi 5 për qind, si dhe PDI dhe PR. Procesi i numërimit të votave në këtë qark është drejt përfundimit, ndërsa surprizat e përshkuan numërimin në orët e vona të mbrëmjes. PDI apo siç njihet ndryshe partia e çamëve ka mundur të sigurojë një mandat deputeti në këtë qark rreth pasdites. Numri i votave të PDI-së është rritur pas hapjes së kutive të votimit me numër 3015 në Fier. Për këtë parti mësohet se kanë votuar edhe një pjesë e mirë e banorëve të Patosit. Sipas të dhënave të marra deri në orën 17:30 të ditës së djeshme numërimi i votave në disa qendra votimi i ka dhënë hov partisë së çamëve, e cila në bazë të rezultateve ka fituar një deputet duke ia hequr këtë Partisë Demokratike, e cila nga 7 që pretendohej të merrte, në bazë të së dhënave të djeshme rezulton të mbajë vetëm 6. Por, rreth orës 23:00, një rritje e votave të PS bëri që mandati i PDI-së të rrëmbehej prej saj. Sipas të dhënave deri në mbrëmje, Partia Socialiste është në avantazh prej 17 % krahasuar me demokratët. Madje, edhe pas numërimit të kutive të mbetura të votimit, ky raport ka shumë pak gjasa të përmbyset pasi, në ato zona të cilat njihen si bastione të djathta numërimi i votave ka përfunduar. Procesi i numërimit të votave në KZAZ-të e Qarkut të Fierit është shoqëruar me një mori problemesh, por këto probleme të hasura nuk kanë rrezikuar mbarëvajtjen e procesit. Ndërkohë, në Lushnjë janë konstatuar probleme në dy qendra votimi. Bëhet fjalë për qendrën e votimit numër 22 dhe atë 23. Në qendrën e votimit numër 23 procesi i numërimit të votave është ndërprerë për disa orë, por ka rifilluar sërish gjatë orëve të mesditës. Ndërsa në qendrën e votimit me numër 23 procesi i numërimit të votave ka mbetur i pezulluar deri në orën 18:00 të ditës së djeshme. Shkak për këtë pezullim të procesit të numërimit të votave në këtë qendër ishte tërheqja e dy komisionerëve të PD dhe PR-së. Procesi është ndërprerë deri në orën 18:00, orë kjo kur dy komisionerët janë paraqitur në qendrën e votimit. Largimi i tyre nga qendra e votimit ka ardhur si pasojë e lodhjes. Më paraqitjen e tyre procesi i numërimit të votave ka rinisur sërish. Sipas komisionerëve të KZAZ-ve koha e gjatë e qëndrimit në qendrat e votimit pa kushtet minimale ka bërë që shpesh herë ata të humbasin durimin çka ka shkaktuar dhe tensione në sallën e numërimit të votave. Sipas të dhënave të deritanishme, PS fiton mandatet për 9 deputetë, mes të cilëve Ruçin, Meksin, Finon, etj., PD 4, ndërsa ta Olldashin, Alibeajn, etj. si dhe LSI për Dritan Priftin.
qarku fier
Aleanca e Ndryshimit
PD 52593 vota
PR 3573 vota
PAA 1699 vota PDI 4384 vota PAD 397 vota
BLD 79 vota
PLL 2642 vota
AMIE 18 vota
PADS 96 vota
PBK 646 vota
Bashkimi per Ndryshim
PS 79319 vota
PSD 3408 vota
PDS 890 vota
PBDNJ 513 vota G99 1111 vota
Aleanca Soc. për Integrim
LSI 9704 vota
PSV 341 vota
Numri zgjedhësve që kanë votuar