Durresi me i ndoturi, Deshati: Te shkarkohen vendoret
Nisja e sezonit turistik e ka gjetur Durresin te papergatitur ne asnje aspekt mjedisor dhe per kete arsye, drejtues te Ministrise se Mjedisit kane kerkuar shkarkimin e vendoreve , pasi nuk po kryejne detyrat e tyre. Drejtori i Kontrollit te Mjedisit, Alfred Deshati, thote se as pastrimi i reres nuk eshte bere ne vijen bregdetare te plazhit te Durresit. Ndersa plazhet model, sipas inspektimeve te kryera jane, Velipoja dhe Shengjini. "Mund t'ju them vetem nje fakt: zona ranore eshte e papunuar. Sivjet nuk kemi nje nderhyrje te kesaj natyre", shprehet Deshati. Inspektimet e kryera nga drejtoria e Kontrollit Mjedisor ne keta 5 muaj kane qene te shumta, mbi 3 mije te tilla dhe nuk jane kursyer as gjobat duke kapur vleren monetare prej 44 milion lekesh. Kjo drejtori paralajmeron se do pershkallezoje masat nese mbetjet apo ceshtja e papastertise se plazheve nuk zgjidhet deri ne propozim per shkarkim nga detyra te drejtuesve te komunave apo bashkive. "Vetem per periudhen janar deri ne fund te majit, jane kryer gjithsej 3030 inspektime, kemi vendosur nje sere masash administrative me gjobe. Te nderhysh me shkarkimin e ujerave te zeza ne det ne menyre te paligjshme eshte krim mjedisor. Do te kalojme deri ne kallezim penal apo propozim te kryeministrit per shkarkime nga detyra", shprehet Deshati. Cdo jave, kjo drejtori do te inspektoje gjithe vijen bregdetare dhe do te marre masa per cdo shkelje.