Nano: Konkurroj perballe Rames ne zgjedhjet 2013
Ish-kryeministri Fatos Nano ka akuzuar dje kreun e PS-se, Edi Rama se po ben pazar per zgjedhjen e kreut te shtetit. Ne nje deklarate per mediat nga "Levizja Nano per President", duke ju drejtuar ne menyre direkte kreut te PS-se, Nano thekson se Rama duhet te reflektoje per kandidimin e tij, ne te kundert do te kete perballe ne zgjedhjet e 2013 ish-kryetarin e partise dhe ish-kryeministrin e vendit gjate qeverisjes socialiste. "Fatos Nano eshte i gatshem dhe i vendosur qe nese do te pengohet arbitrarisht dhe pashpjegueshmerisht ne mundesite e tij per te garuar per President, atehere do t'i veteofrohet publikut dhe qytetareve shqiptare per te konkurruar me te gjithe kryetaret e derisotem per zgjedhjet e vitit 2013-te, bazuar ne nje alternative te qarte verore", thuhet ne njoftimin e zyres se shtypit te kandidatit te veteshpallur per kreun e shtetit, Fatos Nano. Ish-kreu i PS-se i kujton drejtuesit aktual te opozites se demokracia eshte dinjitet dhe konkurrence dhe pavaresisht mos kandidimit, askush nuk mund t'ja heq kete te drejte. "Fatos Nano ka deshmuar se politikes se krizes dhe shperfilljes se Edi Rames, nese Edi Rama nuk reflekton e kthjellohet, do t'i kunderpergjigjet me konkurrim dhe dinjitet. Demokracia eshte konkurrence dhe dinjitet. Kush neperkemb dinjitetin e cilitdo qytetar, e aq me teper te ish-kryetarit te PS dhe ish-kryeministrit te Shqiperise, e meriton te ballfaqohet me kostot e konkurrences me dinjitet", thuhet ne deklaraten per media. Rreth kater ore para nisjes se takimit mes Rames dhe Berishes, ish-kryeministri shprehet se takimi do te jete nje pazar per te garantuar pushtetin e kryetareve. Kritikat me te medha shkojne ne adrese te kreut te PS-se, Rama, i cili sipas Nanos duhet te respektoje vlerat e Partise Socialiste. "Loja e kryetareve, por sidomos loja e Kryetarit te PS Edi Rama, si edhe ata qe kane rene ne kurthin apo jane pjese e kurthit te kesaj loje qellimlige, taboret e analisteve dhe opinondeformuesve apo opinionkeqdrejtuesve kane nxitur nje zhurme te paarsyetur qe te krijon idene se te gjitha fajet i paska kandidati qe veteofrohet Fatos Nano", thuhet ne njoftimin e zyres se ish-kryeministrit. Me tej, Rama cilesohet nga Nano si personi qe ushqeu krizen me ane te lojerave politike. "Fatos Nano u veteofrua dhe priti me qetesi olimpike qe kryetari i PS-se Edi Rama te kthjellohet e filloje te mendoje per vendin me shume sesa per lojerat e marifetet e pushtetit. Por Edi Rama nuk rreshti se beri lojera e marifete pushteti duke ushqyer krizen, shantazhin, ndaj paleve te tjera politike e duke shperfillur dhe anashkaluar Fatos Nanon", thuhet ne reagimin e Fatos Nanos. Nga ana tjeter, Nano e cileson reagimin e Rames te papershtatshem dhe me moralin e socialisteve per vleresimin e figura qe kane qene drejtues te saj. "Ngurrimi i paarsyetuar politikisht, demokratikisht dhe moralisht i Edi Rames per te mbeshtetur Fatos Nanon, ra ne nivele te tilla mosperputhjeje me respektin dhe vleresimin e merituar te sensibiliteteve njerezore e politike, a thua se ky njeri, Fatos Nano, nuk ka qene kurre Kryetar i PS-se dhe Kryeminister i vendit disa here", thuhet ne deklaraten e zyres se shtypit te ish-kreut te Partise Socialiste. Duke ju referuar takimit mes Rames dhe Berishes, ne deklaraten per media theksohet se "ata luajne e luftojne vec per pushtet e motivohen nga deshira dhe ambicia, qe ose njeri te mbetet kryeminister, ose te behet tjetri i cili drejton deri sot opoziten".
Konkurrenca
"Demokracia eshte konkurrence dhe dinjitet. Kush neperkemb dinjitetin e cilitdo qytetar e aq me teper te ish-kryetarit te PS dhe ish-kryeministrit te Shqiperise, e meriton te ballafaqohet me kostot e konkurrences me dinjitet", thuhet ne deklaraten e zyres se shtypit te Fatos Nanos.