Dy të vdekur nga aksidenti tek Uji i Ftohtë

Sipas informacioneve që japin burime të policisë lokale, automjeti, në të cilin udhëtonin dy viktimat ka rënë në det nga një lartësi prej rreth 60 metrash.

Po sipas të njëjtave burime, mësohet se aksidenti i rëndë ndodhi në vendin e quajtur Kalaja. Ende nuk dihen emrat e personave të vdekur.

Pas mbërritjes në vendngjarje, ekspertët e policisë filluan hetimet për të zbardhur shkaqet e plota të ngjarjes. Sipas dyshimeve të para, aksidenti mund të ketë ndodhur për shkak të shpejtësisë së lartë të mjetit dhe terrenit të rrëshqitshëm.