Dy vatra zjarri rrezikojne banesat

Elbasan- Dy vatra zjarri jane regjistruar gjate 24 oreve te fundit ne rrethin e Elbasanit. Zjarri i pare shpertheu dje paradite, ne afersi te fshatit Gjolene, 50 km larg qytetit. Ne fillim flaket jane shfaqur ne tokat hamullore te banoreve. Me pas zjarri ka dale jashte kontrollit dhe ka perfshire pyjet dhe kodrat perreth, duke shkrumbuar ferra, shkurre, ullinj, peme frutore dhe vreshta me rrush. Per shkak te permasave, zjarri ka alarmuar banoret e fshatit te cilet jane angazhuar per fikjen e tij me mjete rrethanore. Me pas jane lajmeruar edhe zjarrfikeset, te cilat jane afruar prane vatres edhe pse terreni ka qene teper i veshtire. Lufta me flaket ka vazhduar deri ne oret e vona te pasdites. Deme ne njerez dhe ne banesa nuk ka pasur, ndersa demet financiare perllogariten ne miliona leke per shkak te djegies se ullishtave, pemeve frutore dhe vreshtave me rrush. Ne vendngjarje ka shkuar grupi hetimor, i cili po punon per te gjetur shkaqet e shperthimit te zjarrit. Sipas te dhenave te para dyshohet qe zjarri te jete shkaktuar nga pakujdesia ose si pasoje e venies se flakes siperfaqeve me hamullore. Policia ka shoqeruar disa persona. Nje ore me vone nje vater zjarri u shfaq edhe ne fshatin Thane, ne afersi te qytetit te Cerrikut. Ne kete vend flaket kane perfshire ferra, shkurre dhe peme frutore. Per shkak te terrenit te veshtire, jane angazhuar efektivet e zjarrfikesve dhe banoret e zones. Mendohet se siperfaqja e djegur shkon ne mbi 5 hektare me kullota, vreshtari e ullinj. Edhe ne kete rast dyshohet qe zjarri te jete i qellimshem.

Fatos Salliu