Dyshime kërcënim, blindohet Rama
01/02/2011 Garda e Republikës i ndryshon rojet personale Kryeprokurores. Nuk dihet shkaqet e urdhrit
Kryeprokurorja merr masa vetjake, bllokon me grila pamjen e dritares së zyrës së saj
TIRANE- Demonstrata e 21 janarit para godinës së Kryeministrisë ka sjellë jo vetëm tensionimin e marrëdhënieve mes institucioneve qeveritare, por dhe luftën e heshtur mes drejtuesve të këtyre institucioneve, ku secili prej tyre duket se ka marrë kërcënime nga segmente të caktuara politike, por në disa raste ato kanë qenë dhe kriminale. Pa u “lagur” nga kjo legjendë e sigurimit të shtetit, nuk ka dalë dhe Kryeprokurorja Ina Rama, për të cilën ka dyshime se ka marrë kërcënime me jetë nëpërmjet telefonit. Një fakt i tillë nuk është konfirmuar zyrtarisht nga zyra e Prokurorisë së Përgjithshme, por nga i njëjti institucion thuhet nën zë se Kryeprokurorja është kërcënuar dhe për pasojë Garda e Republikës ka vendosur të ndryshojë rojet e sigurimit, duke lënë të rrethuar Ina Ramë me 4 truproja mes tyre dhe një femër. Mësohet se kjo e fundit nuk ka ndryshuar, duke i qëndruar prapa shpinës besnike Kryeprokurores Ina Rama. Urdhri për ndryshimin e rojeve të sigurisë fizike është dhënë nga komandanti i Gardës së Republikës Ndrea Prendi, ndaj të cilit Ina Rama ka lëshuar një urdhër-ndalimi, pasi dyshohet se ka dhënë urdhër për vrasjen e tre personave në demonstratën e 21 janarit para godinës së Kryeministrisë. Nuk dihet me saktësi nëse rojet janë ndryshuar në shenjë hakmarrje apo këto ndryshime bazohen mbi informacionet që u ka servirur SHIK-u Gardës së Republikës për një kërcënim të mundshëm të Kryeprokurores. Përveç këtyre masave të ndërmarra nga drejtuesit e Gardës nga ana tjetër Kryeprokurorja Rama ka ndërmarrë masa të tjera personale duke blinduar zyrën e saj. Gjatë fundjavës së kaluar në zyrën e Kryeprokurores janë vënë re dy punëtorë që vendosnin grila në dritaren e zyrës së Ina Ramës. Zënia e pamjes së dritares që ndodhet në katin e dytë është bërë pikërisht në kulmin e akuzave të ndërsjellta mes mazhorancës dhe Prokurorisë së Përgjithshme. Mbulimi i dritares me grila përforcon akoma më tepër dyshimet për një kërcënim të mundshëm ndaj Kryeprokurores Ina Rama, e cila ka zgjedhur të mbulojë pamjen e dritares, duke mos i dhënë mundësi keqbërësve të monitorojnë lëvizjet e saj brenda në zyrë. Po kështu mendohet se mbrojtje kanë marrë dhe dy vajzat e Kryeprokurores Ina Rama, për të cilat mësohet se janë parë të shkojnë në shkollë nën mbikëqyrjen e oficerëve të Gardës së Republikës. Që prej emërimit të saj në detyrën e Kryeprokurores Garda, s’kishte kryer asnjë ndryshim në trupën e sigurisë. Një gjë e tillë ndodhi një javë pas trazirave që ndodhën në demonstratën e 21 janarit, ku humbën jetën tre demonstruesit Zyvër Veizi nga Gjirokastra, Faik Myrto nga Fieri dhe Hekuran Deda nga Dibra.
Diskutohet për hetimin e demonstratës së 21 janarit
Ina Rama, takim me zv/ambasadoren Xhons
Në pritje të mbërritjes së ekspertëve amerikanë për hetimin e ngjarjeve të 21 janarit, Kryeprokurorja Ina Rama është takuar me zëvendësambasadoren e Shteteve të Bashkuara në Tiranë, Deborah Xhons. Burime zyrtare nga organi i akuzës pohojnë se takimi është bërë në ambientet e Prokurorisë rreth orës 11: 30 dhe se ka zgjatur 20 minuta. Në qendër të bisedës ka qenë demonstrata e 21 janarit, si dhe zhvillimet që pasuan atë, që nga vrasjet e plagosjet, e deri tek mos ekzekutimi i 6 urdhër-ndalimeve për gardistët e akuzuar. Zv/ambasadorja amerikane i ka shprehur gatishmërinë e saj Kryeprokurores Ina Rama, për t’i dhënë asistencën që i nevojitet për hetimin e ngjarjes së 21 janarit. Nga ana tjetër kryeprokurorja ka falënderuar mbështetjen që ambasada amerikane po i bën institucionit të saj, për hetimin dhe zbardhjen e shkaqeve që sollën vrasjen e tre personave, si dhe plagosjen e shumë të tjerëve në demonstratën e organizuar nga Partia Socialiste. Aktualisht organi i akuzës është në pritje të ekspertëve amerikanë, të cilët do të kryejnë ekspertimin balistik të armëve, si dhe një sërë veprimesh të tjera hetimore.
Kryeprokurorja merr masa vetjake, bllokon me grila pamjen e dritares së zyrës së saj
TIRANE- Demonstrata e 21 janarit para godinës së Kryeministrisë ka sjellë jo vetëm tensionimin e marrëdhënieve mes institucioneve qeveritare, por dhe luftën e heshtur mes drejtuesve të këtyre institucioneve, ku secili prej tyre duket se ka marrë kërcënime nga segmente të caktuara politike, por në disa raste ato kanë qenë dhe kriminale. Pa u “lagur” nga kjo legjendë e sigurimit të shtetit, nuk ka dalë dhe Kryeprokurorja Ina Rama, për të cilën ka dyshime se ka marrë kërcënime me jetë nëpërmjet telefonit. Një fakt i tillë nuk është konfirmuar zyrtarisht nga zyra e Prokurorisë së Përgjithshme, por nga i njëjti institucion thuhet nën zë se Kryeprokurorja është kërcënuar dhe për pasojë Garda e Republikës ka vendosur të ndryshojë rojet e sigurimit, duke lënë të rrethuar Ina Ramë me 4 truproja mes tyre dhe një femër. Mësohet se kjo e fundit nuk ka ndryshuar, duke i qëndruar prapa shpinës besnike Kryeprokurores Ina Rama. Urdhri për ndryshimin e rojeve të sigurisë fizike është dhënë nga komandanti i Gardës së Republikës Ndrea Prendi, ndaj të cilit Ina Rama ka lëshuar një urdhër-ndalimi, pasi dyshohet se ka dhënë urdhër për vrasjen e tre personave në demonstratën e 21 janarit para godinës së Kryeministrisë. Nuk dihet me saktësi nëse rojet janë ndryshuar në shenjë hakmarrje apo këto ndryshime bazohen mbi informacionet që u ka servirur SHIK-u Gardës së Republikës për një kërcënim të mundshëm të Kryeprokurores. Përveç këtyre masave të ndërmarra nga drejtuesit e Gardës nga ana tjetër Kryeprokurorja Rama ka ndërmarrë masa të tjera personale duke blinduar zyrën e saj. Gjatë fundjavës së kaluar në zyrën e Kryeprokurores janë vënë re dy punëtorë që vendosnin grila në dritaren e zyrës së Ina Ramës. Zënia e pamjes së dritares që ndodhet në katin e dytë është bërë pikërisht në kulmin e akuzave të ndërsjellta mes mazhorancës dhe Prokurorisë së Përgjithshme. Mbulimi i dritares me grila përforcon akoma më tepër dyshimet për një kërcënim të mundshëm ndaj Kryeprokurores Ina Rama, e cila ka zgjedhur të mbulojë pamjen e dritares, duke mos i dhënë mundësi keqbërësve të monitorojnë lëvizjet e saj brenda në zyrë. Po kështu mendohet se mbrojtje kanë marrë dhe dy vajzat e Kryeprokurores Ina Rama, për të cilat mësohet se janë parë të shkojnë në shkollë nën mbikëqyrjen e oficerëve të Gardës së Republikës. Që prej emërimit të saj në detyrën e Kryeprokurores Garda, s’kishte kryer asnjë ndryshim në trupën e sigurisë. Një gjë e tillë ndodhi një javë pas trazirave që ndodhën në demonstratën e 21 janarit, ku humbën jetën tre demonstruesit Zyvër Veizi nga Gjirokastra, Faik Myrto nga Fieri dhe Hekuran Deda nga Dibra.
Diskutohet për hetimin e demonstratës së 21 janarit
Ina Rama, takim me zv/ambasadoren Xhons
Në pritje të mbërritjes së ekspertëve amerikanë për hetimin e ngjarjeve të 21 janarit, Kryeprokurorja Ina Rama është takuar me zëvendësambasadoren e Shteteve të Bashkuara në Tiranë, Deborah Xhons. Burime zyrtare nga organi i akuzës pohojnë se takimi është bërë në ambientet e Prokurorisë rreth orës 11: 30 dhe se ka zgjatur 20 minuta. Në qendër të bisedës ka qenë demonstrata e 21 janarit, si dhe zhvillimet që pasuan atë, që nga vrasjet e plagosjet, e deri tek mos ekzekutimi i 6 urdhër-ndalimeve për gardistët e akuzuar. Zv/ambasadorja amerikane i ka shprehur gatishmërinë e saj Kryeprokurores Ina Rama, për t’i dhënë asistencën që i nevojitet për hetimin e ngjarjes së 21 janarit. Nga ana tjetër kryeprokurorja ka falënderuar mbështetjen që ambasada amerikane po i bën institucionit të saj, për hetimin dhe zbardhjen e shkaqeve që sollën vrasjen e tre personave, si dhe plagosjen e shumë të tjerëve në demonstratën e organizuar nga Partia Socialiste. Aktualisht organi i akuzës është në pritje të ekspertëve amerikanë, të cilët do të kryejnë ekspertimin balistik të armëve, si dhe një sërë veprimesh të tjera hetimore.