Dyshime per trupa te tjere ne fund te Butrintit

Sarande- Askush nuk uron qe bilanci i te mbyturve ne tragjedine e 19 tetorit ne liqenin e Butrinit te thellohet. Por menyra se si eshte dhene informacioni nga policia, i copezuar, ka lene shume dyshime se behet fjale per me teper viktima. Madje ka dyshime se ne fund te liqenit mund te gjenden te pakten edhe tre prej trupave, pasi menjehere pas ngjarjes u fol per tete viktima dhe jo dy. Ne pjesen me te madhe, klandestinet nuk njiheshin me njeri-tjetrin. Fillimisht u deklaruan 2 te vdekur dhe me pas u bene kater. Diten e djeshme listes i eshte shtuar edhe nje i peste. Frika per nje numer te madh viktimash eshte prezente tek kerkimet intensive te palombareve qe deklaruan se do te vijojne misionin deri ne verifikimin e te gjithe hapesires ujore. Ne udhetimin e vdekjes per te kaluar kufirin, te nxitur nga varferia, borxhet apo semundjet qe kerkonin te kuronin, te shoqeruar nga persona ordinere per shkaqe fitimi, numri i tyre nuk eshte i sakte, pasi behet fjale per nje trafik. Lista e emrave diten e pare fliste per 22 te mbijetuar dhe dy te vdekur, kurse emrat e tre te tjereve, Ndricim Myftari, Amarildo Kuka dhe Festim Hoxha, mungonin gjate dites se pare.

Palombari rrezikon jeten ne thellesi

Palombari Sulejman Rama ka kryer disa zhytje, me qellim lidhjen dhe terheqjen e kufomes, por per pak sa nuk ka rrezikuar jeten per shkak te rrymave te forta. Pas daljes nga uji ai i eshte nenshtruar nje vizite mjekesore. Kurse familjaret e te ndjerit jane thirrur nga grupi hetimor per te bere identifikimin e trupit qe ka pasur demtime te renda per shkak te qendrimit ne uje prej pese ditesh. Megjithese ne nje terren te veshtire dhe me rrezik per jeten, palombaret e RENEA-s nuk kane kursyer guximin dhe perpjekjet e tyre per gjetjen e trupave dhe kthimit te tyre familjareve. Ka qene kembengulja e tyre me kerkime deri ne 10 ore ne dite qe bene te mundur te nxirren deri tani tre kufoma te mbytura.