Dyshohen abuzime, shkrihet komisioni i strehimit
Gezim Ashimi
Keshilli Bashkiak i qytetit te Korces ka vendosur te shkrije komisionin e strehimit, i ngarkuar me detyre te ndaje 80 apartamentet me kosto te lire per te pastrehet. Keshtu eshte vendosur ndryshimi i perberjes se komisionit, pas ankesave per shkelje e abuzime nga mbi 300 familje per disa nga anetaret e komisionit. Ndersa bashkia e qytetit juglindor po ben perpjekje per te vendosur standarde transparence me publikun, puna e ketij komisioni eshte kritikuar nga keshilltare te te dyja kaheve politike.
Ne mbledhjen e djeshme te Keshillit Bashkiak te Korces, si nga keshilltaret e djathte edhe ata te majte, eshte kerkuar qe te shkrihet komisioni i strehimit. Keshilltaret kerkuan te behet zevendesimi me anetare te rinj per te nisur nga e para verifikimin e listes se gjate te te pastreheve dhe te dosjeve te tyre. Keshilltaret kane treguar raste konkrete te qytetareve te interesuar per strehim, te cilet kane denoncuar se u jane hequr dokumente te ndryshme nga dosjet. Ne mbledhje jane permendur raste te zhdukjes se dokumenteve per persona qe mund te fitojne pike, lidhur me pronesine ne hipoteke. Gjithashtu jane cituar veterane apo te perndjekur qe pretendojne se u jane hequr deshmite nga dosjet.
Me afrimin e dites se ndarjes se 80 apartamenteve te rinj, ankesa jo te pakta jane ngritur nga afro 700 perfaqesues te familjeve korcare, qe shpresojne te perfitojne ne ndarjen e ketyre apartamenteve. Burime nga Keshill Bashkiak, thane se jane afro 700 dosje qe duhet te verifikohen ne nje kohe mjaft te shkurter per shkeljet qe mund te kete kryer komisioni i strehimit. Pas vendimit per shkrirje, nje mbledhje tjeter e afert do te percaktoje dhe se cfare do te behet me kete komision. Kjo me qellim qe te mos zvarritet gjate ndarja e apartamenteve per qytetaret ne nevoje.
Si behet vleresimi me pike
Bashkia e Korces per here te pare kete vit ka synuar nje proces transparent per ndarjen e banesave sociale me kosto te ulet. Ndarja e 80 apartamenteve do te behet per here te pare mbi bazen e nje sistemi pikesh, qe grumbullohen nga plotesimi i kritereve prej familjeve te pastreha. Nga ana e bashkise, prej disa ditesh jane afishuar listat e personave qe perfshihen ne ndarjen e ketyre apartamenteve dhe jane organizuar takime dhe ballafaqime te hapura me qytetaret, qe kane ankesa per piket qe u ka vleresuar komisioni i strehimit ne bashki.