Policia, plan sekret per festat e fundvitit
Shtohen masat e sigurise per festat e fundvitit. Policia harton planin e sigurise se objekteve te rendesise se vecante, si hidrocentraleve, nenstacioneve elektrike, ministrive apo ambasadave te huaja e rezidencave te tyre. Ministri i Brendshem, Bujar Nishani, ka urdheruar edhe rritjen e kontrolleve ne rruge e qendra tregtare, ndersa ne Kakavije e Kapshtice jane shtuar dy sportele ne krahun e doganes shqiptare, por perpunimi nga pala greke vazhdon te shkaktoje vonesa e radhe ne kufi. Ne dy jave, numri i te kthyerve shkon ne mbi 120 mije persona dhe vihet re edhe rritja e fluksit te hyrje-daljeve te te huajve.
Diten e djeshme, Policia e Tiranes beri te ditur se ka hartuar nje plan masash, me qellim sigurimin e rendit dhe qetesise publike me rastin e festave te fundvitit, ku vend te vecante zene parandalimi, zbulimi dhe goditja ne kohe e cdo lloj tendence kriminale dhe perballimi i fluksit te emigranteve, qe kane ardhur dhe pritet te vijne per te festuar ne Tirane. Madje, dje, per disa ore eshte bllokuar autostrada Tirane-Durres ne hyrje te kryeqytetit, per shkak te trafikut te renduar. Sipas policise, masat jane planifikuar ne drejtim te parandalimit, zbulimit dhe goditjes ne kohe te cdolloj tendence kriminale, per pershpejtimin e procedurave ne Aeroportin "Nene Tereza", rritjen e sigurise ne rruge dhe parandalimit te ngjarjeve aksidentale. Eshte parashikuar gjithashtu siguria e qendrave tregtare, pershpejtimi i procedurave per pajisje me pasaporte per jashte shtetit, apo sigurimi i depove te ujit te pijshem. Ne sherbim gatishmerie mesohet se do te jene edhe komisariatet e objekteve dhe sherbimi zjarrfikes. Policia mesohet se do organizoje sherbime me turne 12-oreshe. Fluks te kthimit te emigranteve ka pasur edhe ne portet e Durresit e Vlores, ndersa eshte dhene urdher per pershpejtim procedurash nga Policia e Shtetit. Ne doganat e Kapshtices dhe Kakavijes, jane vene ne pune 12 sportele, nderkohe ne nga ana greke funksionojne vetem gjysma.
A.Cena
Hyrje-daljet:
Hyrje nga data 10 deri me 24 dhjetor 2007, 195294 persona
Dalje nga data 10 deri me 24 dhjetor 2007, 75900 persona
Hyrje te huaj nga data 10 deri me 24 dhjetor 2007, 35663 persona
Dalje te huaj nga data 10 deri me 24 dhjetor 2007, 28938 persona