“E djathta do shënojë fitore bindëse në 23 qershor”

DIU, prezanton në Peqin kandidatin për deputet, Aqif Rakipi

Partia Drejtësi, Integrim dhe Unitet këtë herë ka zbritur në qytetin e Peqinit ku ka prezantuar kandidatin për deputet të kësaj force politike për Qarkun e Elbasanit, zotin Aqif Rakipi. Gjatë fjalës së tij, kryetari i PDIU-së, zoti Shpëtim Idrizi pas ka falenderuar të gjithë të pranishmit dhe është shprehur i bindur në fitoren e PDIU-së në zgjedhet e 23 qershorit. Zoti Idrizi, teksa ka prezantuar programin e Partisë Drejtësi, Integrim dhe Unitet, është ndalur tek zgjidhja e problemit të ish-të përndjekurve, duke pasqyruar programin e PDIU-së për këtë pjesë të shoqërisë. Më tej ai theksoi se zoti Aqif Rakipi do të jetë zëri i Elbasanit në Parlamentin e Shqipërisë, si një zë patrioti që do të punoj vetëm për të mirën e shqiptarëve, aty ku Zoti i ka vënë. “Miq, unë jam sot këtu përpara kush për të prezantuar shokun, mikun, zërin tuaj në Parlamentin e ardhshëm, Aqif Rakipin. Ai së bashku me deputetët e tjerë të PDIU-së do të jenë zëri patriot në Parlament dhe nuk do të lejojnë cënimin e shqiptarëve, kudo që janë. Unë ju ftoj që më datë 23 qershor, të gjithë t’i drejtoheni kutive të votimit të dhe të votoni numrin 50, Partinë Drejtësi, Integrim dhe Unitet në mënyrë që e ardhmja juaj, e fëmijëve tuaj dhe e kombit shqiptar të jetë e begatë.” – mbylli fjalën e tij zoti Idrizi. Ndërkaq nga ana e tij zoti Aqif Rakipi vuri theksin tek puna e kryer deri më tani nga dy deputetët e PDIU-së në Parlament, por kërkoj nga të gjithë shqiptarët që në 4 vitet e ardhshme Parlamenti i Shqipërisë të ketë 7 zëra patriotësh, të cilët të luftojnë për të drejtat e kombit shqiptar. “Në katër vjet, edhe pse me vetëm dy deputet PDIU bëri shumë gjëra, duke nxjerr çështjen çame nga harresa, por që kjo rrugë të vazhdoj akoma edhe më tej, me më shumë forcë duhet që të gjithë shqiptarët të votojnë numrin 50, Partinë Drejtësi, Integrim dhe Unitet për t’i dhënë dinjitet vetes dhe kombit shqiptar" - mbylli fjalën e tij zoti Rakipi.