ERE gjobit CEZ Shperndarjen kompania shkeli ligjet
CEZ shpërndarja shkel rëndë ligjet e vendit dhe vendimet e institucioneve. Ky është përfundimi I mbledhjes së bordit të komisionerëve të Entit Rregullator të Energjisë i mbledhur në 15 nëntor të këtij viti. Për këtë arsye ky bord me vendimin numer 90 të datës 15.11.2010 ka vendosur dënimin me gjobë të CEZ shpërndarje. Arsyetimi I marrë në vendimin e këtij institucioni është mjaft i qartë.
Që në fillim saktësohet se një veprim I tillë ndërmerret për shkeljet e konstatuara lidhur me moszbatimin nga ana e CEZ-it të vendimeve të nxjerra nga ERE. Më konkretisht në fakt, bëhet fjalë “Per moszbatim te kushteve te percaktuara ne license dhe konkretisht te pikes 3.1, te Licenses per Aktivitetin e Furnizimit Publik me Pakice te Energjise Elektrike”. Por cfarë parashikon në fakt pika 3.1 e kësaj license e miratuar nga ERE? Në pikën 3.1 të liçensës përcaktohet se “ I Licencuari do të respektojë Legjislacionin në Fuqi, gjate ushtrimit te funksioneve sipas kesaj license.” E thënë ndryshe, nuk bëhet fjalë për moszbatimin e vendimit të një institucioni të vetëm, por të të gjithë kuadrit ligjor në vend që rregullon këtë sector.
Ky sigurisht që është një veprim mjaft i rëndë që i shtohet abuzimeve të vazhdueshme që CEZ shpërndarje kryen ndaj konsumatorit shqiptar. Por megjithatë, kompania çeke nuk pajtohet me vendimin e ERE-s dhe bën ankesë në këtë institucion për vendimin e marrë. Në shqyrtimin që i është bërë ankesës, në mbledhjen e datës 1 dhjetor të këtij viti, bordi i komisionerëve, ERE konstaton se operatori privat i shpërndarjes, ka riformuluar të njëjtat argumenta dhe nuk ka paraqitur asnjë document të ri ku do të mëbshtetej ankesa. Për këtë arsye, në 1 dhjetor 2010 ERE lë sërish në fuqi vendimin e gjobës. Ky është një tjetër konfirmim që CEZ shpërndarje vazhdon të funksionojë në shkelje të plotë të legjislacionit në fuqi, pavarësisht se ai mjaft favorizues për të.
Ervin Toti
Që në fillim saktësohet se një veprim I tillë ndërmerret për shkeljet e konstatuara lidhur me moszbatimin nga ana e CEZ-it të vendimeve të nxjerra nga ERE. Më konkretisht në fakt, bëhet fjalë “Per moszbatim te kushteve te percaktuara ne license dhe konkretisht te pikes 3.1, te Licenses per Aktivitetin e Furnizimit Publik me Pakice te Energjise Elektrike”. Por cfarë parashikon në fakt pika 3.1 e kësaj license e miratuar nga ERE? Në pikën 3.1 të liçensës përcaktohet se “ I Licencuari do të respektojë Legjislacionin në Fuqi, gjate ushtrimit te funksioneve sipas kesaj license.” E thënë ndryshe, nuk bëhet fjalë për moszbatimin e vendimit të një institucioni të vetëm, por të të gjithë kuadrit ligjor në vend që rregullon këtë sector.
Ky sigurisht që është një veprim mjaft i rëndë që i shtohet abuzimeve të vazhdueshme që CEZ shpërndarje kryen ndaj konsumatorit shqiptar. Por megjithatë, kompania çeke nuk pajtohet me vendimin e ERE-s dhe bën ankesë në këtë institucion për vendimin e marrë. Në shqyrtimin që i është bërë ankesës, në mbledhjen e datës 1 dhjetor të këtij viti, bordi i komisionerëve, ERE konstaton se operatori privat i shpërndarjes, ka riformuluar të njëjtat argumenta dhe nuk ka paraqitur asnjë document të ri ku do të mëbshtetej ankesa. Për këtë arsye, në 1 dhjetor 2010 ERE lë sërish në fuqi vendimin e gjobës. Ky është një tjetër konfirmim që CEZ shpërndarje vazhdon të funksionojë në shkelje të plotë të legjislacionit në fuqi, pavarësisht se ai mjaft favorizues për të.
Ervin Toti