“Eagle Mobile” sjell surpriza të reja për festat kombëtare
Abonentët “Eagle Super Riniring” i presin surpriza të bukura në këtë kohë festash. Të gjithë përdoruesit e ri dhe ekzistues të tarifës “Super Riniring” do të mund të përfitojnë automatikisht gjatë fundjavës deri 1000 minuta bisedë, deri në 500 SMS falas drejt numrave “Super Riniring”, dhe internet falas deri në 120 MB për rrjetin social “Facebook” dhe postën elektronike. Krahas këtyre dhe tarifa më të ulëta kundrejt numrave Eagle, operatorëve kombëtarë fiks, çmime më të ulëta për SMS dhe MMS brenda “Eagle Mobile” edhe gjatë javës. Telefonatat drejt “Super Riniring” do të jenë 0.25 lekë dhe drejt numrave të tjerë Eagle vetëm 1 lek për minutë, ndërsa 1 SMS brenda “Super Riniring” është 0.25, ndërsa brenda rrjetit Eagle kushton vetëm 9 lekë. Një tjetër ofertë është për shërbimin “E Top-up”. Oferta e re u mundëson abonentëve me parapagesë për çdo rimbushje 800 lekë e më shumë me “E Top-up”, të përfitojnë minuta falas sa vlera numerike e rimbushjes elektronike. Nëse abonenti rimbush 1250 lekë me “E Top-up”, përfiton menjëherë 1250 minuta bonus. Këto minuta janë të vlefshme për 7 ditë drejt numrave Eagle. Për ata që dëshirojnë t’u dërgojnë SMS pa fund miqve dhe të afërmve të tyre duke shpenzuar më pak, oferta SMS është e duhura për ta. Eagle ofron një larmi zgjedhjesh që jep mundësinë e zgjidhjes së një prej gjashtë paketave SMS, tre prej tyre të vlefshme drejt të gjithë operatorëve kombëtarë dhe tre të tjerat drejt numrave Eagle. Paketa me 30 SMS të vlefshëm për 7 ditë kushton 50 lekë me 200 SMS të vlefshëm për 15 ditë kushton 250 lekë dhe për 500 SMS të vlefshëm për 30 ditë kushton 500 lekë. Paketa me SMS drejt operatorëve kombëtarë me 25 SMS për 30 ditë kushton 199 lekë, ajo me 80 SMS e vlefshme për 30 ditë kushton 599 lekë, ndërsa paketa me 180 SMS e vlefshme për 30 ditë kushton 999 lekë. Regjistrimi bëhet duke dërguar nr e mesazheve SMS të paketës së dëshiruar në 55159. Ndërsa kontrolli i sasisë së mbetur të minutave falas si dhe data dhe ora e mbarimit mund të mësohet duke dërguar një SMS (tekst) në numrin 55400. Për të gjithë përdoruesit që duan të kontrollojnë shpenzimet në komunikim, një tjetër zgjidhje vjen nga “Eagle Mobile”. Oferta “Vallëzo me kohën tënde” zgjerohet edhe me paketën 300, e cila mbulon më së miri nevojat e komunikimit. Paketa “Vallëzo me kohën tënde 300” ofron 100 minuta drejt numrave “Eagle Mobile”, 10 minuta drejt operatorëve të tjerë kombëtarë dhe 10 SMS drejt destinacioneve kombëtare për 7 ditë nga momenti i blerjes. Tre surpriza të tjera për përdoruesit e Super Riniring “Shpenzoni më pak merrni më shumë”.
27 Nentor 2010