Edhe Tolaj ofron dorëheqje
Nga Express më 18 dhjetor 2010 në ora 12:04
Pas nënkryetarit të Lidhjes Demokratike të Dardanisë (LDD), Naser Rugova, edhe sekretari i Përgjithshëm i kësaj partie, Sejdë Tolaj ka ofruar dorëheqjen e tij, në shenjë pakënaqësie me rezultatet e LDD’së në zgjedhjet parlamentare të 12 dhjetorit.
“Këtë dorëheqje e ofroj si akt moral për shkak të mossuksesit të partisë në zgjedhjet parlamentare. Rezultatet paraprake të zgjedhjeve parlamentare e kanë lënë LDD’në jashtë parlamentit të vendit, pasi që nuk ka kaluar pragun zgjedhor prej 5 për qind”, thuhet në tekstin e dorëheqjes.
Tolaj kërkon që analizimin e shkaqeve për rënien e elektoratit të LDD’së në zgjedhjet e së dielës, ku kjo parti ka shënuar rënie për 40 mijë vota.