Edhe Udinese në garë për Shaqirin

Udinese është skuadra e fundit që i është shtuar ‘trenit’ të ekipeve të interesuara për Xherdan Shaqirin. Uebfaqja zvicerane 4-4-2 shkruan se klubi italian është në kërkim të një futbollisti ofanziv, për ta përmirësuar këtë repart.

Ekipi i Francesco Guidolinit është dobësuar pas largimit të Alexis Sanchezit e Gokhan Inlerit, kështu që bardhezinjtë do të tentojnë ta mbushin zbrazëtinë e lënë nga kjo dyshe. Përfaqësuesi zviceran vlerësohet 10 milionë euro nga skuadra e tij, Basel.

Përpos Udineses, interesim për 19-vjeçarin kanë zgjuar edhe Roma, Lazio, Milan, Inter e Napoli në Itali, Manchester United e Liverpool në Angli dhe Bayern Munich, Hamburg e Borussia Dortmund në Gjermani.