Edi Rama, darke me ambasadoret
TIRANE - Kreu socialist, Edi Rama mbreme vone ka zhvilluar nje darke pune me te gjithe ambasadoret e vendeve te BE, ambasadorin amerikan, Xhon Uidhers, Ambasadorin e Komisionit Evropian ne Tirane, Helmut Lohan dhe Ambasadorin e OSBE ne Tirane, Robert Bosh. Objekti i ketij takimi te rendesishem ka qene informimi ne lidhje me situaten politike ne vend. Ne darken e punes me ambasadoret, vec Rames kane marre pjese dhe kryetarja e Grupit Parlamentar te PS, Valentina Leskaj si dhe Sekretarja e Marredhenieve Nderkombetare ne PS, Arta dade. Burime brenda selise roze bejne me dije se takimi informues ka qene i planifikuar kohe me pare por deri ne momentet e fundit eshte zhvilluar ne menyre shume sekrete dhe parashikonte nje informim te hollesishem te "trojkes" se socialisteve ne lidhje me tere zhvillimet momentale, zhvillime qe kane gjeneruar here pas here kriza te forta jo vetem ne marredheniet mes mazhorances dhe opozites por dhe ngerce te forta ne marredheniet e ekzekutivit me institucionin e Presidentit dhe institucionet e pavarura ne Shqiperi, mes te cilave me Prokurorine e Pergjithshme dhe gjyqesorin. Mesohet se informimi i kryetarit socialist Rama ka perfshire marredheniet e kryeministrit Berisha me gjyqesorin, pengimin sipas tij te hetimit te Gerdecit dhe nxjerrjes se pergjegjesve qe sollen dhe kete tragjedi, ne te cilen humben jeten 26 njerez te pafajshem dhe u plagosen mbi 300 personave. Ne "listen" e informimit te ambasadoreve me te rendesishem ne Shqiperi nga ana e kryesocialistit Rama ka qene dhe pengimi i reformes ne drejtesi, si dhe korruptimi i forte i qeverise, nepermjet Fazllic, nje njeri me afera te dyshimta ne te gjithe Ballkanin, sipas tij. Por jashte vemendjes nuk ka mbetur dhe marredhenia shume e acaruar e Berishes me nderkombetaret. Njeheresh Rama, mesohet se ka cilesuar si te rrezikshme perpjekjet e Berishes per te shtene ne dore te gjitha institucionet, qe mund te kete ndikimin e vet dhe ne zgjedhjet e ardhshme parlamentare, te cilat mund te nxisin "nepsin" e kryeministrit per te futur duart dhe per te prishur zgjedhjet. Pikerisht ne kete linje, Rama ka kerkuar te ushtrohet presion ndaj Berishes per kartat e identitetit, pasaportat dhe tere infrastrukturen zgjedhore. A.G