Ekonomiku, Kukesi me konvikt te ri

Hapja e filialit te Fakultetit Ekonomik ne qytetin e Kuksit, do te sjelle ndertimin e nje konvikti te ri per te gjithe te rinjte qe do te vazhdojne studimet e larta ne kete qytet. Drejtori i Drejtorise Rajonale te Arsimit ne Kukes, Ibsen Elezi, beri te ditur dje se buxheti i shtetit i ka akorduar nje fond prej 85 milione lekesh Bashkise se Kuksit per ndertimin e nje konvikti te ri ne kete qytet. Ai thekson se konvikti i ri u be i domosdoshem per shkak te zgjerimit te filialit ekonomik te Kukesit si dhe kerkesave ne rritje te te rinjve nga zonat rurale per te vazhduar arsimin e mesem ne kete qytet. "Konvikti i ri do te kete 6 kate, me nje kapacitet strehimi per 160 te rinj, me salla studimi, argetimi, me ngrohje te perqendruar e kushte hotelerie sipas standardeve te kohes", deklaroi Elezi. Sipas tij, faza e pare e punimeve me nje fond prej 25 milione lekesh sapo ka nisur dhe pritet te perfundoje brenda ketij viti, ndersa pjesa tjeter e investimit do te kryhet vitin e ardhshem. "Punimet do te perfundojne plotesisht ne gusht - 2009", theksoi Elezi. Konvikti ekzistues me 3 kate, ne kushtet e mbylljes se shkollave te mesme ne zonat rurale, ka bere qe te mos plotesohen kerkesat e te rinjve per te vazhduar arsimin e mesem. "Vitin e kaluar ishin me shume se 300 nxenes konviktore, ndersa kapaciteti ishte vetem per rreth 200 nxenes", vazhdoi Elezi. Sipas tij, ndertimi i konviktit te ri zgjidh jo vetem kerkesat aktuale, por edhe ato te perspektives per nje sherbim cilesor per te gjithe nxenesit nga zonat e thella qe kerkojne te vijojne arsimin e mesem ne Kukes.