Ektradohet nga Greqia i kërkuari për mashtrim

Zyra Qëndrore Kombëtare e Interpol Tirana në bashkëpunim me interpol Athinën ka bërë të mundur ekstradimin e shtetasit Indrit Aliu, 26 vjeç, nga Vlora pasi ishte në kërkim ndërkombëtar për mashtrim.
Shtetasi Indrit Aliu ishte shpallur në kërkim ndërkombëtar, pasi Gjykata e Rrethit Gjyqësor Tiranë, ka caktuar masën e sigurisë "arrest në burg" për kryerjen e veprës penale të "Mashtrimit me pasoja të rënda".
Shtetasi Indrit Aliu, duke u paraqitur si investitor, ka mashtruar subjekte të ndryshme në shuma të mëdha.
Në aeroportin "Nënë Tereza" në Rinas ky shtetas i është dorëzuar përfaqësuesve të Drejtorisë së Përgjithshme të Burgjeve.