Elbasan, arrestohet i dyshuari me 30kg drogë
Një 22-vjeçar nga Korça është vënë në pranga nga policia e Qarkut te Elbasanit me akuzën e posedimit të lëndëve narkotike. Ermal Shaholli u ndalua në afërsi të fshatit Katund i Ri, pasi nuk i ishte përgjigjur më parë thirrjes së policisë. Nga kontrolli në mjetin e tij u sekuestruan 30 kilogram lëndë narkotike e dyshuar si kanabis sativa. Policia ka shpallur në kërkim shtetasin Artan Ago të dyshuar si bashkëpunëtor të tij.