Elbasan dhe Gjirokaster, greva nderpret operacionet
Mjeket e Qendres Spitalore "Xhaferr Kongoli" ne Elbasan jane solidarizuar me koleget e tyre te qendres spitalore "Nene Tereza", ne Tirane. Edhe pse protesta ne kete te fundit eshte nderprere pothuaj nga te gjithe mjeket, Qendra Spitalore e Elbasanit ka nderprere operacionet e planifikuara per dy dite, ne shenje solidariteti me koleget e Tiranes, ndersa do te vazhdoje funksionimin vetem urgjenca. Mjeke dhe infermiere u grumbulluan para spitalit kirurgjik dhe denuan aktin e dhunes se ushtruar ndaj mjekut ne Tirane. Ne fjalen e marre me kete rast, nendrejtori i qendres spitalore te Elbasanit Dr. Agron Braho u shpreh se bluzat e bardha te Elbasanit solidarizohen plotesisht me protesten e mjekeve ne Tirane. Sipas tij edhe bluzat e bardha dhe mjeket e Qendres Spitalore te Elbasanit jane perballur me sulmet dhe dhunen e ushtruar nga pacientet dhe familjaret e tyre. Dr Agron Braho kerkoi ndergjegjesim te popullates mbi rolin human te mjekeve, ndihmen e organeve kompetente per te qene me te mbrojtur dhe furnizim me te rregullt me medikamente per te mos pasur konflikte me pacientet. Gjithashtu, edhe bluzat e bardha te spitalit rajonal "Omer Nishani" ne Gjirokaster kane nderprere per 1 ore punen ne shenje solidariteti me kolegun e tyre, mjekun Agron Ylli. Mjeket e spitalit jane tubuar ne sheshin perpara godines duke kerkuar t'i jepet fund dhunes karshi bluzave te bardha. "Ne kemi nderprere per 1 ore punen per te shprehur solidarizimin tone me koleget tane te QSUT duke kundershtuar dhunen qe eshte shfaqur dukshem se fundi karshi mjekeve si edhe rastin e dhunimit te profesor Agron Yllit", thote kryetari i sindikates se spitalit, mjeku Perparim Muco.