Emigrantet, 77 % preferojne te sjellin parate ne dore
Ne nje kohe kur shumica e emigranteve perdorin sherbimet bankare ne vendet ku jetojne, rreth 77 % e emigranteve shqiptare preferojne te dergojne parate e tyre nepermjet rrugeve informale, kryesisht te transportuara dorazi; dhe me pak ato formale, ndersa sistemi bankar mbetet me pak i preferuari. Parashikimet tregojne se cikli i emigracionit dhe fluksi i dergesave te emigranteve ka hyre ne nje faze pjekurie. Kur krahasohen me vitet e fillimit te emigracionit, emigrantet shqiptare duken se jane me mire per sa i perket punesimit dhe te ardhurave ne vendet pritese, per me teper, ne te shumten e rasteve ata jane ribashkuar me familjet e tyre, duke nenkuptuar nje fare sigurie te situates ne vendin ku jane vendosur. Si pjese e ketij procesi, pas bashkimit te familjes dhe integrimit ne vendet pritese, mendohet se emigrantet do te dergojne me pak para, megjithese ne te njejten kohe niveli i tyre i te ardhurave mund te rritet. Me krizen nderkombetare Financiare, flukset e dergesave te emigranteve do te pesojne ulje te ndjeshme. Derguesit dhe marresit deklarojne se perdorimi kryesor i dergesave eshte mbulimi i nevojave te familjes. Me pas vjen ndertimi, rregullimi dhe mobilimi i shtepive; dhe me pas investimet ne prona te patundshme si kategoria tjeter primare. Megjithese eshte padyshim i rendesishem per zbutjen e varferise, ky fakt nenkupton qe ato kane nje rol shume te kufizuar ne nxitjen e punesimit. Dergesat ne para te emigranteve perbejne fluksin me te madh te fondeve ne ekonomine shqiptare, duke i lene pas investimet e huaja direkte dhe eksportet. Sipas nje studimi qe ka bere IOM nje pjese e mire e ketyre fondeve qarkullojne jashte kanaleve zyrtare dhe ne pjesen me te shumte te rasteve perdoren per te plotesuar nevojat baze te familjeve dhe te te afermeve te emigranteve. Por, faktikisht ato nuk luajne rol domethenes ne rritjen e shtrirjes ekonomike dhe investimit financiar ne Shqiperi, pjeserisht per shkak se institucioneve financiare shqiptare u mungojne produktet financiare te pershtatura dhe te drejtuara drejt dergesave ne para te emigranteve dhe sherbimet qe nxisin prurjet ne rruge formale.