Emigrantet qe hyjne ne Shqiperi, merren ne pyetje

Rritja e numrit te emigranteve qe kalojne nga pika doganore e Kapshtices, ka rritur masat nga ana e drejtorise se shendetit publik, per te evidentuar rastet e personave , qe mund te shfaqin simptoma te gripit te derrit, per me teper qe ata vijne nga nje vend, ku gripi AH1N1 po perhapet me shpejtesi. Prej disa javesh ne kete dogane kryejne kontrollin e udhetareve pergjate 24 oreve tre inspektore te higjienes, te drejtorise se shendetit publik te Bilishtit. Ata kane per detyre te pyesin te gjithe personat, qe hyjne nga kjo dogane, per gjendjen e tyre shendetesore dhe ne rast te simptomave te gripit, te njoftojne autoritetet e shendetesise. Vete emigrantet shprehen se sapo kane hyre ne token shqiptare jane pyetur nga inspektoret e higjienes, per gjendjen e tyre shendetesore dhe mos kane temperature apo shenja te tjera te gripit te derrave. Sipas emigranteve, e njejta gje ka ndodhur edhe ne doganen greke. Pavaresisht permasave te perhapjes se gripit te derrit, duket qe emigrantet nuk jane shume te shqetesuar, pasi sic thone vete ata, eshte nje grip, qe mund te kurohet dhe jo te gjithe ata qe preken, mund te humbin jeten. "Nese femijet tane do te kene shenjat e gripit, do te shkojme menjehere ne spital", shprehen emigrantet. Sipas drejtorit te shendetit publik Ylli Ciko, pavaresisht numrit te madh te emigranteve qe kane hyre nga Greqia, deri tani nuk eshte konstatuar asnje rast i dyshuar per gripin e derrit, apo persona qe kane temperature te larte dhe skuqje te syve. "Ndersa inspektoret e higjienes do te vazhdojne te kene nen kontroll te gjitha hyrjet nga kjo pike doganore dhe vigjilenca do te jete maksimale", thote Ciko.

D. Zisi