Operacioni "Skooter", ne shenjester motoret e ujit

Incidenti i ndodhur ne Durres, ku nje motor uji plagosi rende nje turist kosovar, ka hedhur ne aksion edhe policine kufitare ne Vlore. Prej dy ditesh, nga ana e drejtorise se kufirit dhe migracionit ka nisur nje operacion i gjere per bllokimin e ketyre mjeteve. Drejtori Myzafer Elezi pohon se operacioni "Skooter" ka ne vemendje zonen nga Semani deri ne Konispol. "Do te krehen zonat ku operojne mjete te tilla per te kryer kontrollet e dokumentacioneve, nese jane te regjistruar, apo nese perdoren nga persona pa patenta", thote Elezi. Nese mjetet jane pa dokumente te rregullta, atehere do te kryhet bllokimi i menjehershem i tyre.