Emrat e 700 ish-pronareve qe duhet te dorezojne dosjet

Anilejda Shembitraku

Gazeta Albania publikon listen e plote me emrat e ish-pronareve qe jane perfitues te kompensimit ne baze te vendimeve te Keshillit te Ministrave. Keta persona duke filluar nga dita e hene mund te dorezojne dosjet e tyre me dokumentacionin e plote prane zyres se Agjencise se Kthimit dhe Kompensimit te Pronave.

Verifikimi
Agjencia e Kthimit dhe Kompensimit te Pronave bashkepunon me Agjencine e Legalizimit dhe zyrat vendore te Regjistrimit te Pasurive te Paluajtshme per verifikimin e konfirmimin e te dhenave per subjektet perfituese. Sipas vendimit te miratuar grupi i punes verifikon legjitimitetin e kerkuesit per cdo kerkese per kompensim si dhe kontrollon dokumentacionin e paraqitur nga subjekti perfitues. Gjithashtu grupi i punes konfirmon te dhena te tjera te nevojshme prane institucioneve perkatese. Grupi i punes harton relacionin ne te cilin i propozon drejtorit te Pergjithshem kalimin e shumes ne numrin e llogarise bankare perkatese dhe ne fund perpilon listen e subjekteve qe kompensohen. Po sipas vendimit drejtori i Pergjithshem i AKKP-se ne perfundim te procesit te verifikimit nga grupi i punes nxjerr vendimin per miratimin e listes se subjekteve qe kompensohen ku percaktohet edhe numri i llogarise bankare ku do te derdhet vlera e kompensimit. Gjithashtu urdheron publikimin e listes se subjekteve qe kompensohen si dhe njofton kerkuesin qe nuk perfshihet ne listen e subjekteve qe kompensohen duke percaktuar arsyet e mosperfshirjes.

Subjektet
AKKP-ja ka njoftuar se te gjithe te interesuarit emrat e te cileve jane miratuar me vendim te Keshillit te Ministrave duhet te pergatitin dosjet per dorezimin e tyre prane zyrave te Agjencise. AKKP-ja ka ngritur grupin e punes i cili do te kryeje pranimin dhe regjistrimin e kerkesave te subjekteve te interesuara. Te gjitha subjektet e interesuara do te paraqiten ne Agjencine e Kthimit dhe Kompensimit te Pronave. Aplikuesit kane detyrimin te paguajne tarifen e sherbimit ne vleren prej 2000 dy mije leke dhe gjithashtu te hapin ne emer dhe per llogari te tyre nje llogari bankare ne njeren nga bankat e nivelit te dyte. Subjektet perfituese kerkesa e te cileve nuk eshte pranuar per mungese dokumentacioni gjate procedurave te meparshme kane te drejte te riaplikojne. Keto subjekte nuk paguajne tarife sherbimi nese provojne pagimin e saj gjate aplikimit te meparshem.

Dokumentet
Ja cfare duhet te dorezojne ish-pronaret prane AKKP-se

1- Kerkesen per kompensimin e prones sipas formatit tip.
2- Deshmine e trashegimise per te gjithe trashegimtaret e ligjshem te subjektit perfitues sipas radhes se trashegimtareve ne perputhje me percaktimet e Kodit Civil. Per deshmite e trashegimive te leshuara nga gjykata per testamentin e bere me akt noterial te sillet certifikate familjare e personit per te cilin eshte leshuar kjo deshmi trashegimie.
3- Prokuren e posacme te nenshkruar nga te gjitha subjektet qe perfitojne kompensim ku si tager i nevojshem te jete edhe e drejta per te terhequr vleren financiare ne emer te tyre.
4- Vertetimin e leshuar nga banka e nivelit te dyte per hapjen e llogarise bankare ne emer dhe per llogari te subjektit perfitues ku percaktohet edhe numri i llogarise bankare ku do te transferohet vlera financiare e perfituar.
5- Fotokopjen e dokumentit te identifikimit si dhe certifikaten familjare te kerkuesit.
6- Mandatpagesen qe verteton pagimin e tarifes se sherbimit.

16 Tetor 2010