Engel: Pavarësia e Kosovës është fakt i kryer

"Republika e Kosovës është fakt i kryer. Çdokush që mendon se me pjesëmarrjen e tij në zgjedhje tregon njohjen e Kosovës, ka të drejtë. Por nëse mendojnë se duke mos marrë pjesë disesi pavarësia e Kosovës do të zhbëhet, dua t'ua bëj të qartë se kjo s'do të ndodhë kurrë. Kosova është vend i pavarur dhe kjo s'do të ndryshojë", theksoi Engel.

Ligjvënësi amerikan thotë se “në këtë proces zgjedhor, Kosova ka mbështetjen e vazhdueshme të Shteteve të Bashkuara. Por, në zgjedhjet e para që kur u shpall pavarësia, ka ardhur momenti që Kosova të provojë legjitimitetin e demokracisë në shtetin e ri”.