Erë moderne në Pogradec

Rreth 35 piktura, nga të cilat 21 në vaj, realizuar nga Gentian Zeka dhe 14 piktura në akrilik realizuar nga Miron Topçiu, janë pjesë e ekspozitës "Nyja dhe shenja", e çelur këtë javë në qytetin piktoresk të Pogradecit, nga grupimi kulturor “Light” dhe Galeria e Arteve e qytetit të liqerit. Në këtë ekspozitë janë prezantuar punimet më të reja të piktorit të mirënjohur Gentian Zeka, ndërkohë që piktori i ri, Miron Topçiu prezantohet për herë të parë në qytetin e tij të lindjes. Piktura e Gentian Zekës, e cila tenton vazhdimisht t’i largohet konvencionales dhe në këtë aktivitet duket se është në kërkim të rrugëve të reja të shprehjes artistike. Ndërsa piktori i ri, Miron Topçiu, 16 vjeç, përdor befasueshëm artin modern, teksa paraqitet me disa prej krijimeve të tij të realizuara në Pogradec, por edhe në Bukuresht, (Rumani) ku ai jeton.