Erik Kantona hedh syte nga Elizeu
Nga fushat e futbollit në Elize. Nikolas Sarkozi mund të ketë një kundërshtar të papritur në zgjedhjet e ardhshme presidenciale, që do të zhvillohen këtë vit në Francë.
Në fakt, Erik Kantona ka vendosur të kandidojë për postin e kreut të shtetit. Ish-ylli i Mançester Junajtid ka dhënë garanci se nuk bëhet fjalë për një provokim, por ka nisur punën që të mbledhë firmat e nevojshme për kandidaturën e tij.
Për ta realizuar këtë gjë, ai i ka shkruar një letër të hapur kryebashkiakëve të të gjitha qyteteve franceze, e cila është publikuar në të përditshmen, “Liberation”. Për t’u futur në garën për president, Kantona ka nevojë për firmat e të paktën 500 kryetarëve të Bashkive.
“Unë jam një qytetar i kujdesshëm ndaj periudhës që po jetojmë, në të cilën nuk i ofrohen mundësi të rinjve, shanset janë shumë të kufizuara, dhe ndaj padrejtësive që ekzistojnë, të cilat janë të shumta, tepër të dhunshme dhe sistematike. Unë jam një qytetar i interesuar”, lexohet në letër.
45-vjeçari, i njohur si një person që e ka të vështirë të krijojë marrëdhënie normale sociale, por ndoshta pikërisht për këtë fakt i adhuruar nga tifozët e “Djajve të Kuq”, pas tërheqjes nga futbolli iu përkushtua kinemasë.
Kantona ka marrë pjesë në disa filma, mes të cilëve “Shoku im Erik”, prodhim i vitit 2008 dhe i drejtuar nga Ken Lyek, ku ish-lojtari ka interpretuar vetveten.
Nipi i një spanjolli që ka marrë pjesë në luftën civile kundër Frankos, ai nuk e ka tradhëtuar gjakun dhe i është bashkuar lëvizjes së “Indinjatos” në Francë, duke organizuar në vitin 2011 disa lëvizje kundër sistemit bankar.
Ai e ka argumentuar dëshirën e tij për t’u kandiduar, me objektin që të ndihmojë fondacionin “Abbé-Pierre”, për ndërtimin e 500 mijë shtëpive popullore në të gjithë Francën, si një mënyrë për tiu përgjigjur krizës se strehimit, që penalizon familjet më pak në gjendje.
Në fakt, Erik Kantona ka vendosur të kandidojë për postin e kreut të shtetit. Ish-ylli i Mançester Junajtid ka dhënë garanci se nuk bëhet fjalë për një provokim, por ka nisur punën që të mbledhë firmat e nevojshme për kandidaturën e tij.
Për ta realizuar këtë gjë, ai i ka shkruar një letër të hapur kryebashkiakëve të të gjitha qyteteve franceze, e cila është publikuar në të përditshmen, “Liberation”. Për t’u futur në garën për president, Kantona ka nevojë për firmat e të paktën 500 kryetarëve të Bashkive.
“Unë jam një qytetar i kujdesshëm ndaj periudhës që po jetojmë, në të cilën nuk i ofrohen mundësi të rinjve, shanset janë shumë të kufizuara, dhe ndaj padrejtësive që ekzistojnë, të cilat janë të shumta, tepër të dhunshme dhe sistematike. Unë jam një qytetar i interesuar”, lexohet në letër.
45-vjeçari, i njohur si një person që e ka të vështirë të krijojë marrëdhënie normale sociale, por ndoshta pikërisht për këtë fakt i adhuruar nga tifozët e “Djajve të Kuq”, pas tërheqjes nga futbolli iu përkushtua kinemasë.
Kantona ka marrë pjesë në disa filma, mes të cilëve “Shoku im Erik”, prodhim i vitit 2008 dhe i drejtuar nga Ken Lyek, ku ish-lojtari ka interpretuar vetveten.
Nipi i një spanjolli që ka marrë pjesë në luftën civile kundër Frankos, ai nuk e ka tradhëtuar gjakun dhe i është bashkuar lëvizjes së “Indinjatos” në Francë, duke organizuar në vitin 2011 disa lëvizje kundër sistemit bankar.
Ai e ka argumentuar dëshirën e tij për t’u kandiduar, me objektin që të ndihmojë fondacionin “Abbé-Pierre”, për ndërtimin e 500 mijë shtëpive popullore në të gjithë Francën, si një mënyrë për tiu përgjigjur krizës se strehimit, që penalizon familjet më pak në gjendje.