Erla Mëhilli: Edvin Rama, autori i një tragjedie të madhe familjare dhe njerëzore që zgjati 9 vjet

Partia Demokratike publikon pjesën e 4-ët të dosjes së zezë të Edvin Ramës, e botuar vite më parë në fletushkën e bashkëpunëtorit të tij kryesor sot, Ymer Mero Baze. Kjo dosje, e cila tregon moralin dhe dinjitetin familjar të Edvin Kristaq Ramës, përmban aktet më çnjerëzore që kryesocialisti dhe kryebashkiaku i ditëve të sotme që ndot Tiranën, i ka shkaktuar bashkëshortes së tij, djalit dhe familjes së tij. Zëdhënësja e selisë blu, Erla Mëhilli denoncoi sot publikisht, aktet makabër të Edvin Kristaq Ramës ndaj familjes së tij dhe mohimin disa vjeçar të atësisë së djalit të tij.

Konferenca për shtyp e zëdhënëses Erla Mëhilli: “Sot shtypi i ditës boton dosjen e plotë të qëndrimit dhe krimit të shumtuar familjar të Edvin Ramës. Një dosje e një tragjedie të madhe njerëzore dhe familjare që zgjati 9 vjet rrjesht dhe që ka për autor kryesor Kryetarin e Partisë Socialiste dhe Kryetarin e Bashkisë së Tiranës Edvin Ramën. Dhe po jua rikujtojmë edhe një herë që këtë dosje ja ka botuar për herë të parë në fletushkën e tij ndihmësi i tij kryesor sot Ymer Baze. Jam sot këtu për tu bërë thirrje qytetarëve të Tiranës dhe të mbarë Shqipërisë të mendojnë për një moment se cfarë është familja për këtë njëri? Çfarë është familja për Edvin Ramën? Që pasi ka rrahur e torturuar në mënyrë ç’njerëzore bashkëshorten e vetë, sulmon 3 herë në ditë familjen e të tjerëve pa asnjë fakt e dokument? Çfarë është familja për Edvin Ramën? Që pasi i ka mohuar për 9 vjet me rradhë atësinë djalit të tij e madje duke akuzuar edhe babain e vet si baba të djalit, sulmon me cakejt e tij fëmijët e familjeve të tjera? Çfarë është familja për Edvin Ramën që i ka mohuar jo për 9 ditë as për 9 javë as për 9 muaj por për 9 vjet rrjesht kafshatën e gojës fëmijës së tij? Çfarë është familja për Edvin Ramën që së bashku me bashkëshorten del nudo në plazhe publike, duke u imponuar zonjave të nderuara por mjerane të Partisë Socialiste ti dalin zot akteve të tij të shumtuara publike? Ne i bëjmë thirrje ndërgjegjes njerëzore të çdo qytetari shqiptar të mendojnë dhe tu japin përgjigjë këtyre pyetjeve, në interesin më të mirë të fëmijëve të tyre dhe familjeve të tyre”.