Esteban Granero dëshiron të treja titujt

Esteban Granero ka zbuluar ambiciet e Real Madridit për të rrëmbyer tre trofetë këtë sezon duke e bërë të qartë se Los Blancos po i marrin të treja garat me seriozitet.

Mbretërit janë katër pikë prapa liderit në La Liga, kanë gjasa reale për të arritur në gjysmëfinale të Kupës së Mbretit, ndërsa luajnë kundër Lyonit në 1/8 e finales së Ligës së Kampionëve.

“Duam t`i fitojmë të treja garat, njëra nga të cilat është Kupa. Nuk kemi luajtur siç duhet vitet e fundit, por jemi seriozë këtë vit dhe të enjten kemi një shans për t`u kualifikuar në gjysmëfinale (të Kupës)”.

Duke folur për përballjet kundër Lyonit, 23-vjeçari ka thënë se këtë vit është ndryshe dhe se Los Merengues kanë mësuar nga gabimet e mëparshme, prandaj kësaj radhe do ta eliminojnë skuadrën franceze.