Euro 2012: Në Ukrainë, trena më të shpejtë

Në prag të ‘Euro 2012’, Ukraina i ka inauguruar trenat e shpejtë, të cilët do t’i mbulojnë qytetet kryesore të vendit. Këta trena do të udhëtojnë deri në 160 kilometra në orë. Lajmin e ka bërë të ditur përgjegjësi i organizimit të Evropianit në Ukrainë, Martin Kallen, për ueb faqen zyrtare të UEFA-s.

“Këta trena të shpejtë do të kalojnë nëpër qytetet që do t’i presin ndeshjet e ‘Euro 2012’ dhe do t’u ofrojnë tifozëve një udhëtim të shpejtë dhe komod nga një qytet në tjetrin, me një çmim të arsyeshëm”, nënvizoi Kallen.