FARK liron dy pengje
Dy pengje qe prej shume vitesh ndodheshin ne duart e guerilasve kolumbiane u liruan dje fale ndermjetesimit te Venezueles. Lajmin e njoftoi vete presidenti Hugo Chavez, sipas te cilit pengjet e liruar jane Clara Rojas dhe Consuelo Gonzales. Dy helikoptere venezueliane me simbolin e Kryqit te Kuq, u nisen nga qyteti i Kolumbise San Hoze de Guaviare per te rikuperuar dy personat e mbajtur peng nga forcat e FARK-ut qe prej 6 vitesh. Pilotet u nisen pa ditur destinacionin e vendit ku do te dorezoheshin pengjet, pasi koordinatat i moren gjate fluturimit. Clara Rojas ishte ndihmesja e kandidates per presidente te Kolumbise, Ingrid Betancourt, e cila ndodhet gjithashtu ne duart e guerilasve kolumbiane. Ndersa pengu i dyte i liruar eshte Consuelo Gonzalez, nje deputet i Kolumbise. Ne operacionin e shpetimit moren pjese ministri venezuelian i Drejtesise, ambasadori kuban ne Karakas dhe senatori kolumbian i opozites, Piedad Cordoba. Ishte vete presidenti i Kolumbise, Uribe, i cili pranoi ndermjetesimin e Chavez me Forcat e Armatosura te Kolumbise, me qellim lirimin e pengjeve.