FIFA nuk pranon Kosoven ne gjirin e saj
Gjate mbledhjes se Komitetit Ekzekutiv te zhvilluar sot ne Zyrih, FIFA nuk e ka pranuar kerkesen e Federates Kosovare te Futbollit per t’u anetaresuar ne kete institucion. Sipas vendimit te marre ne mbledhjen e drejtuar nga presidenti Sepp Blatter, Kosova nuk mund te zhvilloje dot as ndeshje miqesore me vende apo klube anetare te FIFA-s.
Me tej, presidenti Blatter eshte perqendruar tek kriza ekonomike qe ka perfshire boten, qe sipas tij, per momentin nuk e rrezikon boten e futbollit. “Kam kenaqesine t’ju informoj se jemi te kenaqur per gjendjen aktuale. Jemi shume te pergatitur per te pritur te ardhmen”, theksoi Blatter, sipas te cilit, 95 % e buxhetit per 4 vjecarin e ardhshem tashme eshte miratuar dhe i ka kaluar rreziqet. “FIFA ka siguruar 650 milione dollare per boteroret 2010 dhe 2014 ne rast se do te ndodhe ndonje gje e paparashikuar”, shtoi presidenti i institucionit me te larte te futbollit boteror.
Ne vijim, fjalen e ka marre sekretari i pergjithshem, Jerome Valcke, sipas te cilit, Afrika e Jugut eshte ne kohe me punimet per boterorin 2010 dhe zerat qe e shikojne larg kampionatin nga vendi afrikan, nuk jane te vertete.
Blatter ka konfirmuar gjithashtu se vendet organizatore per vitet 2018 dhe 2022 do caktohen njekohesisht. Ai u perqendrua edhe ne ceshtjen e aplikimit te skemes 6+5 per te gjitha klubet ne bote, sipas se ciles, vetem 5 lojtare te huaj duhet te luajne ne nje skuader. “Gati gjithe bota e mbeshtet kete inisiative. Sporte te tilla si hokej, volejbolli, basketbolli dhe regbi e kane perqafuar nje projekt te ngjashem”, siguroi Blatter, sipas te cilit, qellimi i vetem eshte mbrojtja e lojtareve te rinj.