FOTO-REPORTAZH/ Lulëzim Basha than pemët dhe barin buzë Lanës, si hakmarrje ndaj paraardhësit të tij

Kryetari i ri i Bashkisë, Lulëzim Basha, ka shkatërruar brenda muajit investimin tetë vjeçar buzë Lanës në qendër të Tiranës. Si për t’u hakmarrë ndaj një prej veprave publike që i dha më shumë emër Edi Ramës në krye të Bashkisë, Lulëzim Bash ka nisur mandatin e tij të vjedhur në krye të Bashkisë duke urdhëruar heqjen e brigadës së gjelbërimit nga shërbimi buzë Lanës dhe tharjen e gjithë pemëve dhe barit që zbukuronin lumthin e vogël të Tiranës. Çdo kryeqytetas e ka të lehtë ta verifikojë se si blinjtë dhe rrapinjtë po thahen nga vapa e gushtit dhe bari është shkrumbosur plotësisht. Sipas burimeve nga Bashkia, ka 25 ditë që nuk shërbehet më buzë Lanës. Me një urdhër misterioz u largua brigada që shërbente buzë lumthit dhe kryetari i ri nuk ka dhënë asnjë rrugëzgjidhje për këtë situatë emergjente. Shpresojmë që pas tharjes së pemëve dhe barit, të mos rikthej sërisht kioskat dhe ndërtesat buzë saj.