"Fabrika" e kanabisit, kapet nje ton droge
Afro nje ton lende narkotike eshte gjetur mengjesin e djeshem nga uniformat blu te Komisariatit te policise se Malesise se Madhe, ne fshatin Jubice, te komunes Qender. Pronari i baneses, ne te cilen u gjet droga, 25-vjecari Bahri Delaj, u shpall ne kerkim, ndersa policia tha se po punon per kapjen e tij. Pas peshimit, ekspertet e seksionit te antidroges ne Drejtorine e Policise se Qarkut te Shkodres thane se behej fjale per 896 kilograme lende narkotike te llojit "kanabis sativa" e thate si dhe 997 grame lende narkotike, qe dyshohet te jete marijuane.
Prania e lendes narkotike ne banesen e te dyshuarit eshte sinjalizuar ne Sallen Operative te Komisariatit te Policise se Malesise se Madhe nga nje telefonate anonime. Pas marrjes se informacionit, disa automjete policore jane nisur drejt fshatit malor. Uniformat blu rrethuan mengjesin e djeshem banesen e 25-vjecarit Bahri Delaj, duke menduar se ai ndodhej ne shtepi. Pasi hyne brenda, forcat policore kryen nje kontroll te imtesishem, ndersa pronari i baneses, i sinjalizuar ndoshta per mberritjen e autokolones policore, ishte larguar ne drejtim te paditur. Gjate kontrollit policia sekuestroi 106 thase plasmasi, brenda te cileve ishte paketuar lenda narkotike. Gjithashtu, policia tha se ka gjetur ne banese nje pajisje metalike ne forme U-je, qe mendohet se sherbente per presimin dhe paketimin e lendes narkotike, 42 cope leter ngjitese natriban, dy thika dhe nje pale doreza. Burime nga grupi hetimor bejne te ditur se po punohet per te zbardhur edhe destinacionin e narkotikeve, te cilet, sipas policise, ishin te gatshem per t'u hedhur ne treg.
Re.Rre