Falcao nuk është në shitje

Ylli kolumbian është shndërruar në njërin prej futbollistëve më të kërkuar në treg pas paraqitjeve të shkëlqyeshme në sezonin e kaluar për Atleticon. Chelsea, Manchester City, Barcelona dhe Real Madrid thuhet se janë të interesuara për Falcaon.

Por, drejtori sportiv i Atleticos, Jose Luis Caminero, tha për AS: “Falcao do të mbetet në Atletico Madrid dhe mohoj çdo lloj spekulimi rreth largimit të tij. Ai do të mbetet me ne për sezonin e ardhshëm”.

Caminero ka pranuar se mund të ketë lëvizje në treg në Vicente Valderon, por insiston se “kjo nuk do të ndikojë në situatën e Falcaos”.