Faljet e të dënuarve, 25 gra priten të lirohen nga burgu

25 gra të dënuara në burgun 325 në Tiranë priten të lirohen nga momenti në moment pas firmosjes nga presidenti Bamir Topi të dekretit për faljen e 367 të dënuarve. Kamera e RTV " Ora News" ka qënë e pranishme në burgun e grave dhe ka transmetuar live lirimin e 25 grave të dënuara pas faljes nga presidenti. Disa nga të ish-të dënuarat janë shprehur për "Ora News" emocionet e tyre pas lirimit nga burgu dhe e kanë cilësuar si të drejtë vendimin e presidentit për lirimin e tyre.
Ndërkohë ditën e enjte presidenti Topi ka dekretuar faljen për 367 persona të dënuar.