Falsifikim pasaporte 3 ne pranga

Tre persona janë arrestuar në qytetin e Durrësit për falsifikim të pasaportave biometrike, ndërsa dy të tjerë po ndiqen penalisht në gjendje të lirë. Sipas policisë vendase bëhet e ditur se tre të arrestuarit dyshohet se kanë falsifikuar një numër të konsiderueshëm pasaportash biometrike në emër të shtetasve kosovarë, të cilët i blenin kundrejt një shume që varionte deri në 3 mijë euro për një pasaportë.
Policia njoftoi se të arrestuarit janë Teik Shehu, Ismet Rhamani dhe Genc Kodra. Këtyre personave iu sekuestruan 1200 euro si dhe një automjet.