Familjet kryeqytetase me kostot me te larta, 83 mije leke ne muaj

Familjet shqiptare shpenzojne pjesen derrmuese te te ardhurave te tyre mujore per t'u ushqyer. Ky eshte perfundimi i anketes se realizuar nga instituti i Statistikave, per buxhetin e familjeve per periudhen 2006-2007. Nga anketa ka rezultuar se nje individ ne Shqiperi shpenzon mesatarisht 17 mije leke ne muaj, nga te cilat 9 mije leke per ushqime dhe pjesa tjeter per konsum joushqimor. Anketa e pare e ketij lloji ne vendin tone tregoi se Tirana paraqet me konsumin me te larte ne vlere, krahasuar me te gjitha prefekturat e tjera. Keshtu nje familje e kryeqytetit rezulton te shpenzoje mesatarisht ne muaj rreth 83817 leke. Nderkohe, prefekturat qe paraqesin shpenzimet me te larta per konsum pas Tiranes, jane Durresi dhe Gjirokastra, me konsum familjar perkatesisht 82905 dhe 82815 leke. Ndersa prefekturat me nivel me te ulet te shpenzimeve per konsum jane ato te Dibres dhe Beratit, perkatesisht me 51262 dhe 54146 leke per familje ne muaj. Nga ana tjeter realizimi per here te pare i Anketes se Buxhetit te Familjes ne Shqiperi dhe ne zonen rurale ben te mundur krahasimin e kesaj zone me ate urbane. Keshtu, nga te dhenat rezulton se kuota me e larte e buxhetit total te familjeve, shpenzimet ushqimore, arrijne ne 49.5 per qind ne zonen rurale, kundrejt 45.8 per qind ne zonen urbane. Per sa u perket pijeve alkoolike dhe duhanit, ne zonen rurale shpenzimet zene 4.9 per qind te shpenzimeve te buxhetit te familjes, kundrejt 3.8 per qind, qe eshte ne zonen urbane. Ndersa, shpenzimet per hotele dhe restorante ne zonat rurale zene nje perqindje prej 4.8 per qind, kundrejt 5.2 qe eshte ne zonat urbane.

Zona rurale paraqet nje perqindje me te larte te shpenzimeve per transport, rreth 6.7 te buxhetit te familjes, kundrejt 5.8 per qind ne zonat urbane. Po ne keto zona rezulton te kete nje perqindje me te madhe te shpenzimeve per kujdes shendetesor me 4.4 per qind, kundrejt 3.8 per qind ne zonat urbane.