Farerat e skeduara, gjobiten 5 subjekte ne Fier
Farmacite bujqesore qe operojne ne qarkun Fier, tregtojne pesticide, preparate dhe farera qe u ka kaluar data e skadences. Pas skandalit te misrit shterpe, Drejtoria e Bujqesise ne rajonin e Fierit ka ushtruar kontroll ne te gjitha farmacite bujqesore, ku ka rezultuar se shume farmaci shesin produkte skarco. Kontrolli i ketyre farmacive ka nisur javen e kaluar, pas nje urdhri te mberritur nga Ministria e Bujqesise. Gjate nje jave kontroll, mesohet se specialistet e bujqesise se drejtorise rajonale te Fierit kane gjetur mallra bujqesore te skaduara, te cilat kishin vite qe e kishin kaluar afatin e perdorimit, por megjithate ende u tregetohen fermereve te shumte qe ka kjo zone. Vete drejtori i DRUBMK-se se Fierit, Fatos Troka, pohoi dje faktin e gjetjes se mjaft mallrave bujqesore te skaduara qe shiteshin ne farmacite bujqesore te ketij qarku. Sipas tij, menjehere pas konstatimit te ketyre produkteve skerco, u aplikuan gjoba te renda per subjektet tregtuese. "Jane ushtruar me dhjetera kontrolle, te cilat jane perqendruar ne farmacite bujqesore si dhe ne pikat e tregtimit te farerave. Vetem gjate nje jave kontroll jane ndeshkuar 5 farmaci bujqesore dhe per secilen jane vendosur gjoba qe arrijne ne mbi 1 milione leke", deklaroi Troka. Sipas kreut te DRUBMK-se mallrat bujqesor qe jane gjetur te skaduara kane qene kryesisht preparate bujqesore si dhe pesticide, por nuk kane munguar edhe sasi te medha me farera dhe fidane bimesh. Nderkohe, specialistet e ketij sektori kane marre mostrat e te farerave, qe jane ne treg, dhe jane duke u kryer analizat perkatese. Por pervec gjobave, gjate kontrolleve te ushtruara jane mbajtur mjaft procesverbale per shume farmaci dhe pika tregtimi te farerave. Mesohet se keto subjekte, po priten pergjigjet analizave dhe me pas do te vendoset nese do te bllokohen si pika tregtimit apo vetem do te gjobiten. Xh.B