Fasllia: Shtimi i sipërfaqeve të mbjella ka ulur çmimet

Fermerët shqiptarë e kthejnë vëmendjen te toka dhe shtojnë prodhimet bujqësore.

Sipas zv.ministrit të bujqësisë Ndoc Fasllia të dhënat për 6-mujorin e parë të këtij viti tregojnë se ka pasur një rritje të eksporteve me 13% dhe rënie të importeve me 8%.

Numri dy i bujqësisë në vend shpjegon se shtimi i sipërfaqeve të mbjella ka ndikuar edhe në uljen e çmimeve në tregjet shqiptare.

Një ndër produktet që ka pësuar uljen më të ndjeshme të importit është gruri. Sipas Fasllisë kjo ka ardhur si rezultat i rendimentit të lartë.

Zv.ministri në detyrë jep një këshillë edhe për qeverinë e re. Ndoc Fasllia kërkon që në të ardhmen të bëhen më shumë investime për të shmangur kapriçot e motit dhe dëmet që shkakton në të mbjella.

Stina e verës dhe e vjeshtës arrijnë pikun e prodhimeve bujqësore në vend. Ndërkohë që dimri ka më pak të prodhime e megjithatë vitet e fundit sipas zv.ministrit, fermerët shqiptarë kanë nisur të mbjellin edhe në këtë stinë pavarësisht kostos së lartë.