Tiranë, plagosen me armë dy vëllezër në Yzberisht

Dy vëllezër janë plagosur mesditën e sotme me armë në Tiranë.

Ngjarja e rëndë është shënuar në zonën e Yzberishtit, në periferi të kryeqytetit  ku dy vëllezërit Erjon dhe Klodian Demaj janë qëlluar me armë nga persona ende të paidentifikuar të cilët janë larguar me shpejtësi.

Menjëherë dy dy vëllezërit e plagosur janë dërguar me urgjencë në spital  dhe sipas mjekëve ato ndodhen jashtë rrezikut për jetën.

Nuk dihen ende motivet e plagosjes së dy vëllezërve ndërkohë që policia po vijon hetimet për identifikimin e autorëve dhe zbardhjen e plotë të ngjarjes.