"Fazllic", debate te forta ne Kuvend mes PS-PD per krizen me Prokurorine
Seanca e djeshme plenare u rihap me sherret mes pozites dhe opozites per ceshtjen "Fazllic". Duke anashkaluar cdo ceshtje tjeter, reforme apo ankesat e zonave te tyre elektorale, deputetet debatuan dje serish per Fazllic. Kryetarja e grupit socialist Valentina Leskaj akuzoi kryeministrin se me dy propozimet e tij per komisione hetimore, ka deshmuar pabesueshmeri ndaj institucioneve. Sipas saj, situata politike sa vjen e po behet sa me alarmante ne vend. Ndersa deputetja Arta Dade tha se shteti eshte i kapur fund e krye. "Jam e shqetesuar per permasat qe kriza institucionale e fundit po merr dhe per pasojat qe ajo mund te kete ne te ardhmen e afert, ne perspektiven e zhvillimeve politike e elektorale", tha Dade, duke i kujtuar qeverise se eshte nen nje monitorim te perditshem dhe te kujdesshem. Akuzat e se majtes u pergenjeshtruan serish nga mazhoranca. Demokrati Bujar Leskaj tha se opozita po akuzon e shpif perdite, duke u kapur fort pas politikes se vjeter. "Ju, po i drejtoni nje kryqezate me akuza shpifese Partise Demokratike dhe kryeministrit Sali Berisha. Nderkohe, qe asnjehere ju nuk vleresoni arritje te tjera, sic ishte njohja e Kosoves nga qeverite e Malit te Zi dhe Maqedonise", vijoi Leskaj. Sipas tij, me keto akuza te ndersjella, ne deputetet vetem sa po deformojme vetveten dhe parlamentin. R.R