Federata nis hetimet per deklaratat e Fergusonit, ndaj gjyqtarit

Federata e Futbollit ne Angli ka qartesuar se do te investigoje komentet kritike te leshuara nga trajneri i Mancester Junajtid, Aleks Ferguson, pas barazimit te skuadres se tij me Sanderlendin ne fundjave. Ferguson leshoi akuza ndaj performanses se gjyqtarit te takimit, Alen Vili, duke e akuzuar ate si pergjegjesin kryesor, per gabimet qe beri gjate ndeshjes. Vendimet e tij, ne baze te deklaratave te Fergusonit nuk kishin lidhje me gjykimin normal te nje ndeshjeje futbolli. Por keto deklarata nuk i kane pelqyer drejtuesve te Federates Angleze, qe jane duke shqyrtuar te gjitha ato qe ka thene skocezi, per te marre masa ndaj tyre, gjate mesjaves. Sjella e Fergusonit eshte cilesuar e patolerueshme. Junajtid arriti qe te barazoje ndeshjen ne fund te ndeshjes, me nje autogol te Anton Ferdinand. Ferguson eshte paralajmeruar per akuzat qe ka leshuar edhe gjate edicionit te kaluar, kur kritikoi gjyqtarin e ndeshjes ndaj Portsmuthit, Martin Atkinson, per shkak se nuk dha nje 11-metersh ne favor te skuadres se tij. Sipas ish gjuetarit, Dermnd Galaker, te gjithe gjyqtaret e Premier Liges jane te zote dhe puna e tyre monitorohet nga Federata Angleze e futbollit, keshtu qe askush tjeter nuk mund te jape vleresime, apo me keq akoma te leshoje akuza nda tyre.