Fenerbahce kërkon Adebayorin
Nga Express më 02 maj 2011 në ora 20:11
Sipas medieve turke, Fenerbahce është e interesuar për sulmuesin e Manchester Cityt, Emmanuel Adebayor dhe është e gatshme të ofrojë 20 milionë euro për transferimin e tij gjatë verës.
Adebayor është aktualisht i huazuar në Real Madrid deri në fund të këtij sezoni, por e ardhmja e tij mbetet e paqartë.
Ndërsa e përditshmja turke Sabah ka njoftuar të hënën se Fenerbahce është e gatshme të paraqesë ofertë për shërbimet e reprezentuesit të Togos, i cili së fundmi është përmendur edhe si objektiv i klubit italian Lazio.