Ferguson fajëson gjyqtarin

Menaxheri i Manchester United, Sir Alex Ferguson ka fajësuar gjyqtarin e takimit ndaj Newcastle për barazimin në sfidën e zhvilluar në Old Trafford.

“Të gjithë, duke përfshirë dhe gjyqtarin, ishin në vështirësi. Ai ishte vënë në pozitë të tmerrshme. Pse nuk mund të vendosë gjyqtari kur është vetëm tetë metra larg?”.

“Problemi është se gjyqtarët kryesorë janë ata që duhet të vendosin dhe vendimi i anësorit ishte absolutisht shokues. Ju kushton. Dy vite më parë anësori dha ofsajd për një gol ndaj Chelseat që na kushtoi me titull, kështu që po shpresoj se nuk do ta themi këtë edhe në maj të vitit të ardhshëm”, ka thënë Ferguson.