IKV: Nuk ka gjela deti "te semure"

Alarmi se gjelat e detit qe po shiten ne tregje jane te semure, duket se eshte vetem nje alarm fals ne kuader te konkurrences per biznes. Instituti i Kerkimeve Veterinare (IKV) deklaroi dje se asnje moster gjeli deti nuk ka mberritur ne kete institucion per kryerje te analizave. Ndonese gjate ketyre diteve te fundit u tha se do te jene specialistet e kryeqytetit, te cilet do te percaktojne semundjen e ketyre shpendeve, nuk rezulton asnje fakt i tille. Sipas shefes se laboratorit te virologjise ne IKV, Luljeta Qafmolla, nuk ka asnje moster per analiza, po keshtu edhe ne laboratorin e autopsise se kafsheve. "Deri me sot ne laboratorin qe une drejtoj nuk ka ardhur asnje moster e gjelave te detit nga Fieri apo Kucova per kryerjen e analizave dhe gjetjen e shkaktarit te ngordhjes se tyre", shprehet Qafmolla. Nderkohe qe drejtues se Ministrise se Bujqesise shprehen se nga inspektimet e bera nga Drejtorite e Bujqesise ne rrethe nuk rezulton asnje problem per sa u perket shpendeve. Sipas veterinereve, mostrat e analizuara, te cilat u dyshuan per semundje, rezultuan "te pastra" dhe te rekomandueshme per shitje dhe gatim. "Kjo duket se eshte me shume ceshtje konkurrence midis tregtareve te mishit dhe fshatareve qe shesin gjelat e detit. Kjo per vete faktin se nga inspektimet e kryera nga specialistet tane nuk ka rezultuar asnje gje shqetesuese", ka pohuar zedhenesi i Ministrise se Bujqesise, Rexhep Shahu. Pak dite me pare ne dy qytete te vendit u "dha alarmi" per ngordhje te gjelave te detit, nderkohe qe nuk u bene te ditur shkaktaret.