Fier, 60 femije ne pediatri per shkak te virozave

Temperaturat e uleta te javeve te fundit, kane shtuar ndjeshem numrin e femijeve te prekur nga semundjet e stines. Pacientet e vegjel kane marre ndihmen e pare mjekesore ne spitalin Pediatrik te Fierit dhe te shumte jane ata, qe jane shtruar ne kete spital, me gjithe kushtet e veshtira te tij. Gjate 24 oreve ne kete spital paraqiten per vizite rreth 60 paciente te vegjel, te cilet marrin mjekimet per t'i vazhduar prane familjes. Por nuk mungojne edhe rastet kur nje pjese e mire e tyre shtrohen ne spital per shkak te shendetit te perkeqesuar. Sipas mjekut pediater, Dhimiter Dhamo, semundjet me te shpeshta jane ato te gripit, dhe bronkopneumonise shoqeruar me temperature te larte, kolle dhe semundje te bronkeve."Zakonisht mosha me e prekur e femijeve te semure eshte 8-12 vjec dhe vetekuptohet qe ne kete periudhe rastet paraqiten me temperature te larta, dhe me rrufe. Tek latentet, femijet qe nuk kane mbushur moshen 1 vjec shenjat kane qene me bronkopneumoni" ka pohuar mjeku pediater. Sipas tij, harta gjeografike e femijeve te semure eshte e njejte si per femijet e zonave rurale, ashtu edhe per ata te zonave urbane. "Nuk eshte se kemi nje dyndje nga periferia - ka thene mjeku pediater Dhamo, si ne vitet e tjera. Ketu vijne edhe nga lagjet e ndryshme te qytetit dhe paraqiten me urgjence femije te semure me temperature te larte. Megjithate duke e krahasuar me vitet e meparshme nuk mund te themi se kemi te bejme me epidemi gripi, por me nje harte semundshmerie normale, per stinen dhe klimen e ftohte" Krahasuar me nje vit me pare gjithsesi sipas mjekeve pediater, numri i pacienteve ditore eshte ne ulje. Nje vit me pare ne te njejten stine paraqiteshin per vizite rreth 100 femije ne dite.

Xh. Beharaj